परिवार नियोजनका साधनहरुमा पुरुषको सहभागीता न्यून

उमा, थापामगरबर्दिया, परिवार नियोजनका साधनहरु प्रयोग गर्नेहरुमा महिलाको तुलनामा पुरुषको संख्या एकदमै न्युन रहेको नेपाल परिवार नियोजन संघ, बर्दियाले जनाएको छ ।संघका शाखा प्रबन्धक नविन कुमार भटट्का अनुसार महिलाको तुलनामा पुरुषहरुले जम्मा १० प्रतिशत मात्र परिवार नियोजनका स्थाई तथा अस्थाई सेवाहरु लिने गरेका छन् । परिवार नियोजनका अस्थायी साधनहरुमा पुरुषको लागि प्रयोग गरिने एउटा मात्र साधन कण्डम भएको हुंदा महिलाको तुलनामा पुरुषको सहभागीता कम उहांको भनाई छ ।

त्यसमा पनि पुरुषले कण्डम प्रयोग गर्न झन्झटिलो मान्ने र यौन सम्पर्क गर्दा आनन्द नआउने भन्दै कम प्रयोग गर्ने गरेको परिवार नियोजनका युवा परिचालक सागर गौतम बताउछन् । कण्डमको प्रयोग परिवार नियोजनको अस्थायी साधन मात्र नभई यौन रोग तथा एचआइभी लाग्नबाट बचाउने साधनपनि भएको हुंदा कण्डमको प्रयोग गर्नु सुरक्षित र उचित भएको नेपाल परिवार नियोजन संघ बर्दियाका प्रबन्धक भट्टको धारणा रहेको छ ।

महिलाले प्रयोग गर्ने साधनहरुमा कपर टी, नरप्लान्ट, पिल्स, तीन महिने सुई, महिला कण्डम रहेका छन् । यस मध्ये पनि महिलाले आफूले चाहे अनुसारको कुनै पनि साधनहरु छनोट गरी प्रयोग गर्न सक्ने भएको हुंदा महिलाले पुरुषको तुलनामा बढी परिवार नियोजनका साधनहरु प्रयोग गर्ने गरेको प्रबन्धक भट्टको भनाई छ ।

परिवार नियोजन संघ बर्दियामा अस्थायी साधनहरुमा २००९ सम्ममा कण्डम १६ सय ७२, पिल्स १३ सय ८, डिपो १४ सय ५८, नरप्लान्ट २ सय ८०, महिला कण्डम ४ र कपरटी २७ जनाले प्रयोग गरेको तथ्यांक छ ।

त्यस्तै परिवार नियोजनका स्थायी साधनहरुमा पनि पुरुषको सहभागीता एकदमै न्यून रहेको छ । बर्दिया मेरी स्टोप्सका फिल्ड सुपरभाइजर गोपाल जंग शाहका अनुसार स्थायी बन्ध्याकरण गर्नेहरुमा पुरुष भन्दा महिलानै बढी रहेका छन् ।

समाजमा पुरुषले बन्ध्याकरण गर्यो भने कमजोरी हुने र शरिरलाई हानी गर्छ भन्ने भ्रम भएको हुंदा महिला आफैले पुरुषलाई बन्ध्याकरण गर्न लगाउदैनन् भन्छन् मेरी स्टोस्पका परामर्शदाता सकुन्तला अधिकारी । पुरुषले खेती पाती लगायत कठिन काम गर्नु पर्ने भएको हुंदा बन्ध्याकरणले समस्या सिर्जना गर्छ भन्ने समाजमा गलत धारणा रहेको छ ।

तर मेरी स्टोप्सका सुपरभाइजर शाह भन्छन, बन्ध्याकरण गर्दा महिलालाई भन्दा पुरुषलाई सजिलो हुने र बन्ध्याकरण पछि पनि पुरुषले ३ दिन आराम लिए पुग्ने तर महिलाले भने १ हप्ता भन्दा बढी आराम गर्नु पर्ने भएको हुंदा पुरुषले स्थाई बन्ध्याकरण गर्दा समस्या सिर्जना हुन्छ भन्नु गलत सोचाई हो ।

बार्दिया मेरी स्टोप्सको तथ्यांक अनुुसार महिलाले गरेको स्थाई मिनिल्याप २००७ मा ३७ जनाले, २००८ मा २ सय १९, २००९ मा १ सय २८ जना र २०१० मे सम्ममा ४९ जनाले सेवा लिएका छन भने पुरुषले गर्ने स्थायी भ्यासेक्टोमी २००७ मा १ जनाले, २००८ मा ८ जनाले, २००९ मा १० जनाले २०१० मे सम्ममा १ जनाले मात्र सेवा लिएका छन् ।

जिल्ला स्वास्थ्य कार्यालय बर्दियाका निरिक्षक सुनिल कुमार पाण्डेका अनुसार समाजमा पुरुषले बन्ध्याकरण गर्दा कुनै पनि शारिरिक समस्या हुदैन भन्ने ’boutमा जिल्ला स्वास्थ्य कार्यालयबाट प्रचार प्रसार गरिएको भएतापनि त्यो उपलब्धीमुलक हुन नसकेकोले स्वास्थ्य मन्त्रालयबाट नै समाजमा विद्यमान भ्रम हटाउन पहल गर्ने अवधारणा ल्याउन लागेको बताए । परिवार नियोजनका अस्थायी तथा स्थायी साधनहरु महिलाले भन्दा पुरुषलेनै प्रयोग गर्दा महिलामा हुने धेरै किसिमका रोगहरुबाट बच्न सकिने निरिक्षक पाण्डे बताउछन् ।

Advertisements

2 thoughts on “परिवार नियोजनका साधनहरुमा पुरुषको सहभागीता न्यून”

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )