नारी दिवशमा एक अर्काका पीडा सुन्दै रोए महिलाहरु

नेपालगञ्ज, चैत्र १ । बाके नौवस्ता १ दक्षिणलदौराकी ६४ बर्षीय देउमला शर्मा हजारौ महिलाहरुको माझमा माईक समातेर आफ्ना पीडा र समस्या सुनाउदै गर्दा आशु झारेर रुन थाल्नुभयो । सबै महिलाहरु भावुक र आँखाका कुनाकुनाबाट आशु निकाल्दै देउमलाका कुरा सुन्न थाले । प्रंसग हो बाकेको नौवस्तामा जहाँ १०२ औं अन्तराष्ट्रिय नारी दिवशको अवसर पारी पिडित जनसेवा विकास कार्यक्रम र दलित सेवा संघले गरेको वृह्त कार्यक्रमको । १५ बर्षदेखि एकल महिलाको जीवन विताउदै आउनुभएकी शर्मा बुढेशकालमा पनि एक मात्र छोरा २३ बर्षीया रामप्रसाद शर्मालाई आफैले बोकेर दिशापिसाव लिने देखि स्यारसुसार र हेरचार गर्दे आमा छोरोको पेट पाल्न दुख गर्दै आएको पीडा माईकबाट सुनाउदै गर्दा आफै आशु निकालेर रुन थाल्नुभयो । सुर्खेत लगामबाट बसाईसराई नौवस्तामा बस्दै आउनुभएकी वृद्ध तथा एकल महिला देउमला शर्माको् घर बाहेक आफ्नो जग्गा समेत छैन् । अरुको खेत वटाई देखि मजदुरी गर्दे अउनुभएकी उहाँले आफुलाई गाविस सचिव, संघस्थाले सहयोग पनि नगरेको र एकल महिला भत्ता पनि नपाएको पीडा सुनाउनुभयो । यस्तै कार्यक्रममा बाके चीसापानीकी ६० बर्षीया लालसुब्बा वादीले वादी समुदायलाई सबैले पछाडि पारेको र वादी हौ भन्दै हाम्रा छोरी बुहारीलाई समेत अपहेलाना र अपमान गर्ने गरेको पीडा सुनाउनुभयो । वादी समुदायमाथी जातीय विभेद कायम रहेको र आफ्ना परम्परागत शुल्पा बनाउने, मादल बनाउने पेशा हराएको भन्दै सरोकार निकायले विकल्प दिनुपर्ने माग गर्नुभयो । पहिलो पटक नौवस्ता, वनकटुवा र चीसापानी क्षेत्रका हजारौ महिलाहरुको जमघटमा भव्य रुपमा मनाईएको १०२ औ नारी दिवशमा दर्जन बढी महिलाहरुले आफ्ना समस्या, पिडा र अन्यायका ’boutमा कुरा राखे । कार्यक्रमा उपस्थित सम्पुर्ण नारीहरुलाई मञ्चमा सम्बोधन गर्दै नौवस्ता गाविसस्तरीय महिला सञ्जालका अध्यक्ष बुद्धि कुमारी थापाले नौवस्तामा भएका घरेलु हिसा, बहुविवाह, बालविवाह, यातना लगायतका महिलाहरुका समस्या सबैलाई सुनाउनुभयो । थापाले ग्रामिण तहमा महिलाहरुमा हुने घरेलु हिंसा, यातना, पीडाका समस्यामा स्थानीय प्रहरी प्रशासन र राजनैतिक दलले सहयोग भन्दा अपमान र अघि बढ्न नदिन्े गरेको आरँेप लगाउनुभयो । पहिलो पटक घर आगनमा मनाईएको नारी दिवशमा नौवस्ता महिला सञ्जालका सदस्य लौकी चौधरी, विर्मा पोडेल, बालीघरे दलित सञ्जालका पद्मकला परियार, लोकी विकले अझैपनि ग्रामिण तहमा महिलाहरुले परिश्रम अनुसार ज्याला नपाउने गरेको, कामको मुल्याकन नहुने गरेको गुनासो सुनाए । उनीहरुले हामी महिलाहरु घरको चुलाचौका पानी पधेरा र घाँस दाउरामै सिमित रहेको भन्दै थिचोमिचो सहन नहुने बताए । कार्यक्रममा सहभागी भएका महिलाहरुले तीज र तिहारमा माईती घरमा भेटघाट र जम्मा हुने महिला दिदिबहिनीहरु एकपटक नारी दिवशमा जम्मा भएकोमा खुशी व्यक्त गर्दे आगामी बर्षहरुमा यसलाई निरन्तरता पाउनुपर्ने माग गरे । नारी दिवशमा आयोजित वृह्त सभामा आयोजक पिडित जनसेवा विकास कार्यक्रममा अध्यक्ष रेशम परियार, दलित सेवा संघका कार्यक्रम संयोजक ईश्वरी वि.क, नेपाली काग्रेस जिल्ला सदस्य दशरथ थारु, एमाले प्रतिनिधी काली बहादुर खड्का, माओवादी प्रतिनिधी पदम सिजापती लगायतले नेपाली राजनैतिक परिवर्तनमा महिलाहरुको सहभागीता र भुमिका अवस्मरणीय रहेको उल्लेख गर्दै महिलाहरुमा माथि बढ्दो घरेलु हिसा, थिचोमिचो र विभेद अन्त्य तथा न्युनीकरणका लागि महिलाहरु सामाजिक, आर्थिक र राजनैतिक रुपमा शसक्क्तिकरण हुनुपर्नेमा जोड दिए । दिउसो १ बजे चीसापानी, नौवस्ता र वनकटुवा गाविसबँट प्लेर्काड, ब्यानरका साथ महिला हिसा अन्त्य गर, महिला अधिकार सुरक्षित गर, महिला माथीका विभेद अन्त्य गर, छोरा छोरी बराबर लगायका नारा लगाउदै आएको र्याली नौवस्तामा आएर वृह्त सभामा परिणत भएको थियो । कार्यक्रममा विभिन्न महिलाहरुले सांस्कृतिक कार्यक्रम प्रस्तुत गरेका थिए । नारी दिवशको अवसर पारी एक्सनएड र आरडिएफको आर्थिक सहयोग, पिडित जनसेवा विकास कार्यक्रम र दलित सेवा सघको साझेदारीमा नौवस्ता गाविस स्तरीय महिला सञ्जालले आयोजना गरेको हो ।

Advertisements

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल्नुहोस )

Twitter picture

You are commenting using your Twitter account. Log Out / बदल्नुहोस )

Facebook photo

You are commenting using your Facebook account. Log Out / बदल्नुहोस )

Google+ photo

You are commenting using your Google+ account. Log Out / बदल्नुहोस )